AGADEA - Supercuidadores

Intercambio Xeracional Agosto 2013

A nosa entrada de hoxe dedicámola a ensinarvos cómo pasamos este Luns, 26 de Agosto, nos Obradoiros de Estimulación Cognitiva de Agadea, xa que fixemos un intercambio xeracional.  

Veunos visitar Geno, unha nena de 6 aniños rebosante de enerxía e de agarimo, que, aproveitando as súas vacacións de verán, veu a aprender e a xogar cos nosos maiores. Foi unha mañá moi bonita e divertida, Geno chegou a dicir que era "o día que mellor o pasara na súa vida", e as caras de eles tamén denotaban esa alegría que desprendía Geno.

A mañá comezou entrenando todos xuntos en círculo cunha pelota pequena, pasando de man en man. 

A seguinte actividade consistiu nun xogo cun paracaídas de cores no que, ao ritmo da música chegamos a ter ata 5 bolas á vez, que non podían caer o chan, e para iso era necesario levantar o paracaídas se caía a pelota diante de un. 

Para descansar, logo do esforzo, tivemos un anaco de Cantaxogos, Geno tiña que imitar o que vía no vídeo, unha canción cun baile sobre animais, e logo todos os demáis debían imitar a Geno...a aula converteuse nun zoo, con elefantes, orangutáns e ata serpentes! 

E aproveitando que estamos no final do verán, e os días están perfectos para pasear, fumos ao parque de Salgueiriños. Entre paseos, descansos nos bancos ao fresco, xogos nos columpios e conversacións, foi pasando a mañá tan movida e divertida...

O chegar a aula outra vez, os participantes tomaron un aperitivo para repoñer forzas e seguir traballando, era o turno das fichas para reforzar a memoria. O mesmo tempo, dúas persoas xunto coa Terapeuta ocupacional e Geno, dedicáronse a facer un pulpo con la, o seu nome: Pulpina. 

E así chegamos á hora de xantar. Contentos pola experiencia e desexando volver a pasar tempo con Geno!

Paseo pola Alameda de Santiago

Bos días! 

O luns, 22 de Xullo, coincidindo co inicio das Festas do Apóstolo, un grupo do turno das mañás de Agadea, fomos pasear pola fermosa Alameda de Santiago.

A mañá comezou visitando a estatua das Marías, de Coralia e Maruxa Fandiño, dúas irmás costureiras coñecidas nos anos 60-70, que sempre adoitaban saír a dar unha volta pola alameda ás dúas en punto, ían ataviadas con vestidos extravagantes e cunha maquillaxe moi colorida. 

Ó longo da mañá todos disfrutamos coas vistas á Catedral e do glorioso repique das súas campás, contemplamos os xardíns cos distintos tipos de flores e plantas, e paramos a descansar nos bancos que están no mítico Paseo da Ferradura, en fronte da estatua de Valle Inclán, amenizando o reposo con conversas e lembranzas de cada un. 

Como xa estaban montadas as atraccións polo Apostol, aprobeitamos para ir visitar a noria, e abraiarnos coa súa altura. Tamén fixemos unha parada para ver dende fora a Iglesia de Santa Marta, ao carón da noria. 

Por último, fomos tomar un café a un bar que está cerquiña da Alameda, e falando de todo un pouco, chegamos á conclusión de que queremos repetir outra saída así!

Mosaico variado de actividades

En Agadea realizamos diferentes obradoiros e terapias cos nosos usuarios, a fin de manter e mellorar na medida do posible as súas funcións cognitivas, funcionais, de conducta e de afectividade.

Polas tardes, de 16:00 a 20:00 no Centro Terapéutico de Agadea se desenvolven obradoiros en grupos pequenos, que sempre oscilan entre 7 e 10 usuarios con Alzheimer e outras demencias, dirixidos por unha psicóloga e apoiados por un equipo multidisciplinar (educadora social, terapeuta ocupacional, traballadora social e tres xerocultoras), ademáis da participación de diversos voluntarios, de diferentes idades e ocupacións, que enriquecen e fan máis directo o trato cos usuarios. Estes obradoiros se denominan "de estimulación cognitiva" e se basean en exercicios dirixidos as súas capacidades intelectuais, motoras e sensoriais. 

As actividades estrutúranse en individuais e colectivas. A tarde comeza cunha pequena terapia de orientación a realidade (que axuda aos usuarios a ubicarse na data actual, buscan o nome nas cadeiras, falan do clima) e tamén unha terapia de reminiscencia (que repasa e lembra o seu pasado e o presente mediante preguntas, fotografías de familiares, etc...). Estos constitúen actividades grupais de orientación persoal, espacial e temporal, tralos que se realiza unha lectura da prensa do día, exercicios de estimulación da atención e da memoria (traballo con refráns, recoñecemento de obxectos en tarxetas, denominación de cores...), ximnasia e psicomotricidade (exercicios de lateralidade esquerda-dereita, xestualidade, movementos articulatorios...). Tamén en colectivo faise musicoterapia e xogos grupais (de interacción e asociación)

Finalmente, os usuarios realizan a terapia individual (con exercicios de cálculo, puntado, quebracabezas, puzzles, debuxo, pasatempos...). Ademáis, no medio da tarde ofrecemos aos asistentes unha merenda, que reforza os vínculos sociais entre eles.

Existe constancia a través de diferentes estudos da efectividade da estimulación cognitiva no mantemento das capacidades dos enfermos de Alzheimer e así consta nas diferentes guías de actuación e acordos das sociedades científicas relacionadas coas demencias. Motivos de sobra para non dubidar á hora de decidir que os nosos achegados ou familiares que padezan esta lesión cerebral orgánica para que reciban coidados especializados e exerciten o mantemento das súas funcións cognitivas, funcionais, de conducta e de afectividade.

A mellor entre tódalas damas

O seu nome é Dama, a cadeliña de preto de 10 meses, de raza Boyero de Berna, que contribúe a mellorar o nivel de vida e proporcionar recursos que beneficien o tratamento dos nosos usuarios de AGADEA, ademáis de constituir unha fonte inagotable de interacción e cariño incondicional para eles.

Adestrada polo equipo do centro canino A Cova do Lobo en colaboración con  Beatriz Rey Mourelle, a nosa terapeuta ocupacional encargada da programación e do coidado do grupo de enfermos de mañá (os que presentan menor deterioro posto que se atopan na fase lixeira da enfermidade) do centro Sociocultural de Vite, Dama é unha cadela especial a través da cal pódense realizar múltiples exercicios de mantemento das funcións cognitivas dos usuarios (memoria, linguaxe, atención, orientación...) así como de potenciamento das capacidades emocionais. “O contacto con Dama é moi positivo e permite unha ampla serie de actividades: sensitivas, de higiene, musicais…” afirma Beatriz, que coa axuda dos voluntarios de AGADEA, procedentes de titulacións diversas como Psicoloxía ou Educación Social, prepara os obradoiros dos venres nos que Dama é corazón e parte activa da terapia. 

“Dama gústanos moito. Sempre nos dá mimos e ata lle compuxemos unha canción”  relatan tódalas señoras pertencentes a este programa de Agadea, motivo polo cal o venres, día en que a cadeliña pasa a mañá entera xunto a elas dende que naceu hai menos dun ano, é a súa xornada predilecta da semana.

http://www.youtube.com/watch?v=9ffVHVJJk4Y&feature=youtu.be

Os variados exercicios que o pequeno grupo de 6 ou 7 asistentes áo taller dos venres fan en torno á cadeliña son, entre outros, unha terapia sensorial consistente en identificar as partes do corpo do animal cós ollos pechados amén de motivar a súa capacidade descriptiva, bailar arredor dela canciones populares galegas ou españolas en corro e de maneira individual levar a cabo labores de coidado e limpeza, cepillando e lavando o seu pelo, facéndolle agarimos e levándoa a pasear para que realice a súas necesidades. “Todas quérena moito e é unha forma de contacto novidosa” afirma Juliana, unha das voluntarias.

Por outra banda, este mes, medios de comunicación amosaron interese por descubrir o funcionamento das terapias con Dama. Esta é a reportaxe realizada pola Revista de Tarde da TVG:

Dama é un exemplo de cómo unha mascota pode convertirse nunha innovadora vía de proporcionar cariño, buscar recursos e contribuir ao mantemento das funcións cognitivas no coidado da calidade de vida dos enfermos de Alzheimer en Compostela, así como facelos un pouquiño máis felices.

Loitando contra o olvido

En 1994 un grupo de familiares de enfermos de Alzheimer decidiu unir forzas e experiencias para crear AGADEA, unha asociación sen ánimo de lucro onde a día de hoxe seguemos a buscar xuntos respostas, apoios e recursos a fin de proporcionar mellores coidados e con menos dificultades aos nosos enfermos.

Desde AGADEA pretendemos a través de diversos programas e obradoiros mellorar a calidade de vida dos afectados por esta enfermidade de Alzheimer, frecuente a partir dos 65 anos e constituida por unha lesión cerebral orgánica que orixina a perda progresiva das funcións cognitivas (memoria, linguaxe, atención, orientación...) así como cambios na personalidade e na conducta que requiren un amplo espectro de coidados.

Para manter e mellorar as habilidades cognitivas, afectivas, conductuais e funcionais dos enfermos realizamos obradoiros de estimulación cognitiva; un conxunto de intervencións en pequenos grupos de 7 a 10 persoas dirixidos por unha psicóloga e apoiados por un equipo multidisciplinar (con terapeuta ocupacional, traballadora social, terapeuta ocupacional e tres xerocultoras), ademáis da participación de voluntarias e voluntarios que prestan a súa colaboración. As actividades que impulsamos son de orixe moi diversa, dende o Programa de Acollida para apoiar aos familiares, a Grupos de Axuda Mútua co obxectivo de fomentar o apoio socioemocional, Fisioterapia a Domicilio, Formación Periódica Gratuíta para coidadores e voluntarios ou Apoio legal no tocante ás consultas. 

Neste blog contaremos as vivencias persoais froito da experiencia de voluntarios e traballadores de AGADEA, ademáis da colaboración en terapias da nosa cadeliña, Dama. xa que detrás de cada enfermo existe unha historia que contar e escoitar, e milleiros de recordos como enorme motivo para seguir loitando contra o olvido.